ကမ္ဘာကျော်ဆရာတော်၏ ကမ္ဘာမကျော်သော အတွေးအခေါ်များ (၁၄-က)
မဟော်သဓာ တစ်နေ့တာ
~~~~~~~~~~~~~~~~~~~
(၂၀၂၂ ခုနှစ်၊ မတ်လ ၁၄ ရက်ထုတ် Myanmar Guardian ဂျာနယ်၊ အတွဲ(၁)၊ အမှတ်(၂၀)တွင် ဖော်ပြပါရှိသည့်ဆောင်းပါး)
ကိုယ့်ကျောင်း၊ ကိုယ့်ကန်နှင့် မနေထိုင်ရသော ယခုအခါ၌ စာလည်းမချရ၊ တရားဟောလည်း မထွက်ရ၊ ပရိသတ်နှင့်လည်း မထိတွေ့ရ၊ တပည့်များနှင့်လည်း အတူမနေရသဖြင့် ခြေချုပ်မိသလိုဖြစ်ကာ ပျင်းနေမှာပဲဟု ထင်ကြသူများရှိသကဲ့သို့ တစ်ပါးတည်း ဘယ်လိုနေလဲမသိဘူးဟု စူးစမ်းသူများလည်း ရှိပေသည်။ သို့ဖြစ်၍ အရှုံးထဲမှအမြတ်ဟူ၍လည်းကောင်း၊ အဆိုးထဲမှအကောင်းဟူ၍လည်းကောင်း အကျိုးအမြတ်များရရှိခဲ့ပုံကိုလည်း ပြောချင်နေပေသည်။
စာရေးသူသည် ယခင်က ဖေ့စ်ဘုတ်အကောင့် မဖွင့်တတ်ပါ။ ယခုအခါ အလွယ်တကူ ဖွင့်တတ်သွားခဲ့ပေပြီ။ ဖေ့စ်ဘုတ်အကောင့်ဖွင့်သည့်အလုပ်ကား ခက်ခဲလှသည်မဟုတ်ပါ။ လုပ်စမရှိ၍ မဖွင့်တတ်ခြင်းဖြစ်မှန်း သိလိုက်ရပေသည်။ တပည့်များကိုခိုင်း၍ရမှန်း သိနေသဖြင့် အသေးအဖွဲလေးကအစ ကိုယ်တိုင်မလုပ်လိုသောကြောင့် ယခင်က ဖေ့စ်ဘုတ်အကောင့် မဖွင့်တတ်ခြင်းလည်း ဖြစ်နိုင်ပါသည်။ ယခုအခါ မိမိလည်း ကိုယ်တိုင်ဖွင့်၍သုံး၊ သူတစ်ပါးကိုလည်းဖွင့်ပေးကာ ဖေ့စ်ဘုတ်အကောင့်များကို ဖောဖောသီသီ သုံးစွဲနေရပေတော့၏။ အကောင့်ကျသွားလျှင်လည်း နှမြောစရာမလိုတော့ပေ။ အရန်အကောင့်များ ဖွင့်ထားသောကြောင့်တည်း။
ယခင်က Gmail လည်း မဖွင့်တတ်ပါ။ ယခုအခါ မဖွင့်တတ်သူများကိုပင် ဖွင့်ပြနေတတ်ပေပြီ။ Gmail ဖွင့်ထားသဖြင့် ခိုင်းစရာများ တိုက်ရိုက်ညွှန်ကြားနိုင်ရုံသာမကဘဲ Youtube အကောင့်များသို့ ဝင်ကြည့်ခြင်း၊ ကွန်မန့်ပေးခြင်း၊ Link များ ချိတ်ဆက်ခြင်း၊ ဖိုင်လ်များ Down ခြင်း၊ သိမ်းဆည်းခြင်းများကိုပါ လုပ်နိုင်လာခဲ့ပေသည်။ ဖေ့စ်ဘုတ်၊ မက်စင်ဂျာမှတစ်ဆင့် ဆက်သွယ်ခြင်းမျိုး လုံးဝမလုပ်ပါ။ မယုံကြည်သောကြောင့် ဖြစ်ပါသည်။ Gmail နှင့်ကား စာ၊ ပုံ၊ အသံ၊ ဗီဒီယိုဖိုင်လ်များ ပေးပို့၍ ကောင်းပေသည်။ လုံခြုံစိတ်ချရသောကြောင့် ဖြစ်ပါသည်။
ဟိုယခင်က ကွန်ပျူတာမသုံးစွဲတတ်ပါ။ အိုးဘိုသို့ ပါတော်မမူမီကာလများ၌ ကွန်ပျူတာကျွမ်းကျင်စွာ သုံးနိုင်ခဲ့သော်လည်း အိုးဘိုတောရ၌ ကိုးဆယ့်ကိုးလကြာမြင့်ခဲ့သည်ကတစ်ကြောင်း၊ ပြည်တော်ပြန်လာသည့်အချိန်မှစ၍ အားလပ်သည်ဟူ၍မရှိ၊ ကွန်ပျူတာကိုင်ချိန်ဟူ၍ လုံးဝမရှိသောကြောင့်လည်းကောင်း၊ တပည့်များကို အိုင်တီအရာရှိများအဖြစ် ခန့်ထားသဖြင့် ကွန်ပျူတာကိုင်စရာ မလိုအပ်သောကြောင့်လည်းကောင်း စာရေးသူကား ကွန်ပျူတာနှင့် လုံးဝစိမ်းသွားခဲ့ရပေသည်။ ဖေ့စ်ဘုတ်ဆယ်လီအဖြစ် သတင်းကြီးနေသော်လည်း ကွန်ပျူတာ အဖွင့်-အပိတ်ပင် မလုပ်တတ်ခဲ့ပါ။ ယခုအခါ အချိန်များပိုလျှံနေသဖြင့် ကွန်ပျူတာဖြင့် စာစီစာရိုက်ခြင်း၊ သတင်းတင်ခြင်း၊ အချက်အလက်ရှာဖွေသိမ်းဆည်းပေးပို့ခြင်း၊ ရုပ်သံများ ဒေါင်းလုတ်လုပ်၍ကူးယူခြင်း၊ ဖေ့စ်ဘုတ်အကောင့်၊ ဂျီမေးလ်အကောင့်များဖွင့်ခြင်း စသည်တို့ကို ကျွမ်းကျင်စွာ အသုံးပြုနိုင်ခဲ့ပေသည်။
ဟိုယခင်က ခေါင်းလည်းမရိတ်တတ်ပါ။ စာသင်သားဘ၀ အချိန်နှမြောသောကြောင့် သက်သာခိုခြင်းလည်း ဖြစ်နိုင်ပါသည်။ နာယကဘ၀၌ တပည့်များကို အလွယ်တကူခိုင်း၍ ရနေသောကြောင့်လည်း ဖြစ်နိုင်ပါသည်။ ယခုအခါ မည်သူ့ကိုမျှ ခိုင်းစရာမလိုဘဲ ကိုယ်တိုင်ခေါင်းရိတ်တတ်သွားပါပြီ။ ခေတ်ပေါ်ဓားများကလည်း ထိခိုက်ရှနာခြင်းအလျှင်းမရှိဘဲ လွယ်ကူစွာ ခေါင်းရိတ်နိုင်အောင် များစွာအထောက်အကူပြုပေးသောကြောင့် ဖြစ်ပါသည်။
စာရေးသူ၏ ဖေ့စ်ဘုတ်ပိတ်သိမ်းခံရသည့်အခါ အင်တာနက်ရေဒီယို ထောင်ပါသည်။ သဟာယအင်တာနက်ရေဒီယိုဟု အမည်ပေးထားပါသည်။ အပတ်စဉ် တနင်္လာ၊ ဗုဒ္ဓဟူး၊ သောကြာနေ့တိုင်း Live လွှင့်ပါသည်။ သို့သော် တရားပွဲသွားရခြင်း၊ ဧည့်ကျခြင်း၊ အစည်းအဝေးရှိခြင်း၊ အရေးကြီးကိစ္စ ပေါ်ပေါက်ခြင်းစသော အကြောင်းများကြောင့် အချိန်မနည်းယူရပါသည်။ အသစ်မဟောနိုင်သဖြင့် အဟောင်းပြန်လွှင့်ရသည်က များပါသည်။ ယခုအခါ အင်တာနက်ရေဒီယိုမှာ စာရေးသူ၏တရားတော်များ ပုံမှန်လွှင့်နိုင်ခဲ့ပါပြီ။ အသံသွင်းပြီးသား တရားတော်များကို တစ်လစာကြိုပို့ထားနိုင်သည်အထိ အချိန်ပေးနိုင်ခဲ့ပေသည်။ ထိုတရားတော်များကိုစုပေါင်းကာ MP3 စတစ် ထုတ်နိုင်ခဲ့ပေပြီ။ တော်လှန်ရေးကာလအတွက် သမိုင်းမှတ်တိုင်တစ်ခုပင်တည်း။ ထိုအတွက် တစ်စုံတစ်ရာကို ကျေးဇူးတင်ရပါလေမည်။
အခြားတစ်ခုကား English Speaking လေ့လာချိန်ရခြင်းပင်။ နေ့စဉ်သုံးကြိမ်လေ့လာပါသည်။ Youtube မှလာသော ရုပ်သံဖိုင်လ်လေးများကို ဒေါင်းယူပြီး ပုံမှန်နားထောင်ခြင်း ဖြစ်ပါသည်။ တစ်ဖိုင်လ်လျှင် အနည်းဆုံး သုံးကြိမ်နားထောင်ကာ သင်ရိုးကုန်အထိ နည်းနည်းချင်းစီ လေ့လာပါသည်။ အတွဲလိုက်နားထောင်ပြီးသည့်အခါ ကြည့်၍ ရေးပါသည်။ ရုပ်သံကြည့်၍ ကွန်ပျူတာဖြင့်စာစီခြင်း ဖြစ်ပါသည်။ အလွတ်ကျက်ခြင်း၊ အလွတ်ရေးသားခြင်း၊ အလွတ်တန်းလေ့ကျင့်ခြင်းများ ဆက်လက်လုပ်ဆောင်ရပါမည်။ သေစာ-ရှင်စာအတွက် ဖြစ်ပါသည်။ —
