ကမ္ဘာကျော်ဆရာတော်၏ ကမ္ဘာမကျော်သော အတွေးအခေါ်များ (၁၇-ဂ)
“အိပ်စက်အနားယူခြင်း”
ကမ္ဘာကျော်ဆရာတော်၏ ကမ္ဘာမကျော်သော အတွေးအခေါ်များ (၁၇-ဂ)
“အိပ်စက်အနားယူခြင်း”
———————————————–—
စိတ်ရှုပ်တတ်သည့် စီးပွားရေးလုပ်ငန်းမျိုး လုပ်ကိုင်နေရသည့် စီးပွားရေးသမားများကား ကာယလုပ်သားများကဲ့သို့ ခန္ဓာကိုယ်မပင်ပန်းကြပါ။ သက်သောင့်သက်သာ လုပ်ကိုင်ရသည်က များသဖြင့် ကိုယ်ပင်ပန်းခြင်း၊ စိတ်အေးချမ်းခြင်းတည်းဟူသော အိပ်ပျော်ခြင်း လက္ခဏာနှစ်ရပ်လုံး မပြည့်စုံကြပါ။ ထို့ကြောင့် အိပ်ဆေးများ မှီဝဲကာ အိပ်ဆေးများကိုသာ အားကိုးနေရပါတော့၏။ နောင်အခါ အိပ်ဆေးများလည်း လုံးဝ မတတ်နိုင်သည့်အဆင့်ထိရောက်ကာ စိတ်ရောဂါများ ခံစားရပါတော့သည်။ ကိုယ်ချမ်းသာသော်လည်း စိတ်မချမ်းသာသည့် သူဌေးသူကြွယ်ဘဝကား သနားစရာပင်။
အိပ်ရာဝင်ချိန်တွင် အိပ်ပျော်ချင်သော်လည်း(အိပ်ချင်ပါလျက်) အိပ်မပျော်ကြသည့် ဒကာ၊ ဒကာမများနှင့် တွေ့လျှင် ပင်ပန်းအေးချမ်းနည်းလမ်းလေးကို လက်တွေ့ လုပ်ခိုင်းပါသည်။ တစ်ချိန်တည်း တစ်ပြိုင်တည်း၌ ကိုယ်လည်း ပင်ပန်းမည် စိတ်လည်း အေးချမ်းမည်ဆိုသည့်နည်းကား လမ်းလျှောက်၍ ပုတီးစိပ်နည်း၊ ဂုဏ်တော်ပွားနည်းပင် ဖြစ်ပါသည်။ ညောင်းလာသည်အထိ လမ်းလျှောက်ပါ။ ခေါက်တုံ့ခေါက်ပြန် လမ်းလျှောက်နေစဉ် ပုတီးစိပ်ပါ။ ပုတီးလုံးတိုင်းမှာ စိတ်နှစ်ထားပါ။ အာရုံနှင့်စိတ် တည့်နေ၊ တန်းနေပါစေ။ ဘုရားအာရုံယူလိုက် ဂုဏ်တော်ပွားလိုက် လမ်းလျှောက်လိုက်လုပ်သောအားဖြင့်ကျန်းမာရေးနှင့် ဘာသာတရား အလုပ်နှစ်မျိုးလုံးကို တစ်ပြိုင်တည်း လုပ်ပြီးသား ဖြစ်သွားပါသည်။ ဂုဏ်တော်သမာဓိ တက်လာသည်နှင့်အမျှ စိတ်တည်ငြိမ်လာပါမည်။ စိတ်တည်ငြိမ်လျှင် စိတ်ကြည်လင်လာပါမည်။ စိတ်ကြည်လင်လျှင် စိတ်အေးချမ်းလာပါမည်။ ခန္ဓာကိုယ်က ပင်ပန်းနေသောကြောင့် အနားယူဖို့ တောင့်တလာသလို စိတ်ထဲ၌ ဝင်လာသည့် သမာဓိကြောင့် တည်ငြိမ်လာသည့် စိတ်ကလည်း အာရုံထွေပြား မသွားလာလိုတော့ပါ။ ထို့ကြောင့် မကြာမီပင် အိပ်ပျော်သွားပါတော့သည်။ ထိုထက်ပို၍ သမာဓိကောင်းလာလျှင် ခေါင်းချလိုက်သည်နှင့် အိပ်ပျော်သွားပါလိမ့်မည်။ ထိုမှတစ်ဆင့် ထိုင်လျက် အိပ်ပျော်သွားခြင်းမျိုး၊ အလုပ်တန်းလန်းဖြင့် အိပ်ငိုက်သွားခြင်းမျိုးပင် ကြုံရပါလိမ့်မည်။
ခန္ဓာကိုယ်ကို ပင်ပန်းအောင် ခိုင်းပါ။
စိတ်ကို အေးချမ်းအောင်ထားပါ။
အိပ်ဆေးမလိုဘဲ အိပ်ပျော်ပါလိမ့်မည်။
ဤကား စာရေးသူ၏ အိပ်နည်းဖော်မြူလာ ဖြစ်ပါသည်။
စာရေးသူသည် စင်္ကာပူခေါင်းဆောင်ကြီး လီကွမ်ယု၏ ကိုယ်တိုင်ရေး မှတ်တမ်းစာအုပ်ကြီး ဖတ်ဖူးပါသည်။ သူလည်း စိတ်ဖိစီးမှုများသဖြင့် အိပ်ဆေးသောက်၍ အိပ်ရကြောင်း ရေးထားပါသည်။ မိတ်ဆွေတစ်ဦး၏ တိုက်တွန်းမှုကြောင့် တရားထိုင်ဖြစ်ရာမှ အိပ်ဆေးမလိုအပ်တော့ကြောင်း၊ အစပိုင်းတွင်သာ ထိုင်ရသည်မှာ ခက်ခဲကြောင်း နေ့စဉ် နာရီဝက်မှ တစ်နာရီထိ အမြဲထိုင်ကြောင်း၊ ဓမ္မရသ (တရားအရသာ)ကို ကောင်းစွာ ခံစားခဲ့ရကြောင်း ရေးသားထားပါသည်။ တရားထိုင်လျှင် စိတ်တည်ငြိမ်ပါသည်။ စိတ်တည်ငြိမ်လျှင် စိတ်ကို ဆော့ကစားတတ်သော ဥဒ္ဓစ္စ တရားဆိုးများ ဝင်မလာဝံ့ပါ။ ၎င်းဥဒ္ဓစ္စက စိတ်ကို အိပ်မပျော်အောင် အာရုံရှိသမျှ လိုက်ပို့တတ်ပါသည်။ တွေ့မိရာရာ စွဲမိသွားလျှင် အိပ်မရတော့ပါ။ ထို့ကြောင့် သမာဓိတရား အရေးကြီးပါသည်။ သမာဓိလုပ်ငန်းများ လုပ်စေချင်ပါသည်။ သမာဓိမြဲလျှင် စားကောင်းခြင်း၊ အိပ်ကောင်းခြင်း၊ တွေးကောင်းခြင်း၊ ရေးကောင်းခြင်း၊ အဆုံးအဖြတ် မှန်ကန်ခြင်း အကျိုးတရားများကို ခံစားရပါသည်။
လူသားအားလုံး ချမ်းသာစွာ အိပ်စက်နိုင်ပါစေ။
အိပ်စက်အနားယူခြင်း ပြီးပါပြီ။
အရှင်ဝီရသူ(မစိုးရိမ်)
၂၆-၅-၂၀၂၀
(၂၀၂၂ ခုနှစ်၊ မတ်လ ၂၈ ရက်ထုတ် Myanmar Guardian News Journal၊ အတွဲ (၁)၊ အမှတ် (၂၂)တွင် ဖော်ပြပါရှိသော ဆောင်းပါး)
