၀ီရသူ

”စတုတ္ထ(၁)ဆုရ မော်ဒန်ကဗျာ”
=============

ကဗျာဆရာ – ဗိုလ်နိ (မဘသ-ရွှေဘို)
ကဗျာအမည် – ပုံပြောကောင်းသူနှင့် ဝီရသူ
ရမှတ် – (၃၁)မှတ်
——————————

“ပုံပြောကောင်းသူနှင့် ဝီရသူ”

မာယာအသင်္ချေနဲ့
ပုံပြင်တွေ အသက်သွင်းလို့
ချစ်ခြင်းတို့ အရယူ “ပုံပြောကောင်းသူ”…။

မုသားတွေ ဗလပွနဲ့
ပြည်သူကို မှိုင်းသွင်းလို့
သူလုပ်ချင်တာ လုပ်နေသူ “ပုံပြောကောင်းသူ”…။

ပရိယာယ်တွေ အနန္တနဲ့
ဖြစ်သလို သူမြူဆွယ်
ရာထူးအာဏာ အပိုင်သိမ်းခဲ့သူ “ပုံပြောကောင်းသူ”…။

သြော်… အခုတော့ … ဒို့ပြည်သူတွေ
ပုံပြောကောင်းသူကိုမှ ပုံအပ်မိ
အမှား အမှန် ပညာနတ္ထိနဲ့ မှိုင်းမိခဲ့ကြ…။

ပြည်သူတို့ မြင်အောင်ကြည့်လော့…
ဘာသာသွေးက နှစ်ဆယ်သား…၊
လူမျိုးက ကပြား…၊
အဖေ့သွေးက ပလျား…၊
မျိုးချစ်စကား သူနားခါး…၊
ဘုရားတွေပြို သူငိုရဲ့လား…၊
တကယ်တော့ “သူ့အမျိုးအတွက် သူကြိုးစား” (နိုင်ငံခြား၊ နိုင်ငံခြား)
ယခုထိ အမေ့ကွက်တွေ လှနေတုန်းပဲလား…?

အောင်ဇေယျသွေးနဲ့ ရွှေဘိုသား…
အပိုမကြွားဘဲ ဒဲ့ပြောမယ်…
“နောက်ဆုတ်ဖို့ မြေမရှိတော့ရင် … အသက်ပေးပြီး ရှေ့ဆက်ချီတက်မယ်”
အဲဒါ…
ရဲရဲတောက် “ဝီရသူ”ရဲ့ စကား…
ငါတို့လည်း ဒီစိတ်ထား…။

အို… ပြည်သူအပေါင်းတို့…
မအကြနဲ့.. မနကြနဲ့ …
အမျိုးဘာသာ သာသနာအတွက်
“နိုးထကြကုန်လော”
“ကြိုးစားကြကုန်လော”
“ခုခံကြကုန်လော”
“ညီညွတ်ကြကုန်လော”

ဗိုလ်နိ (မဘသ-ရွှေဘို)