တရား၀င္အဖြဲ႕အစည္းျဖစ္သည္ဟု ဗုဒၶဓမၼပရဟိတေဖာင္ေဒးရွင္း(ဗဟို)တံု့ျပန္
ရန္ကုန္၊ ဇူလိုင္-၂၂
တည္ဆဲဥပေဒမ်ားကို က်ဴးလြန္ျခင္းမရွိသကဲ့သုိ႔ သံဃနာယက လုပ္ထံုးလုပ္နည္းစည္းမ်ဥ္းႏွင့္လည္း ၿငိစြန္းျခင္းမရွိသည့္အတြက္ ဗုဒၶဓမၼပရဟိတေဖာင္ေဒးရွင္း (ဗဟို) သည္ တရား၀င္ အဖြဲ႕အစည္းျဖစ္သည္ဟု ေျပာေရးဆိုခြင့္ရဆရာေတာ္ ေဒါက္တာေသာပါက (ေဇတ၀န္)က စံေတာ္ခ်ိန္သို႔ ဇူလိုင္ ၂၂ရက္တြင္ မိန္႔ၾကားသည္။
အမ်ဳိးဘာသာသာသနာ ေစာင့္ေရွာက္ေရး(မဘသ)အဖြဲ႕က အမည္ေျပာင္းလဲထားသည့္ ဗုဒၶဓမၼပရဟိတေဖာင္ေဒးရွင္းသည္တရားမ၀င္အဖြဲ႕အစည္းျဖစ္ေၾကာင္းႏွင့္ ယင္းအဖြဲ႕အမည္ျဖင့္ မည္သည့္အမႈကိစၥကိုမွ် ေဆာင္ရြက္ျခင္းမျပဳရန္ ဇူလိုင္ ၂၀ ရက္တြင္ ကမၻာေအး
ကုန္းေျမရွိ ၀ိဇယမဂၤလာဓမၼသဘင္၌ က်င္းပသည့္ ႏိုင္ငံေတာ္သံဃမဟာနာယက(မဟန)၄၇ ပါးစံုညီ အစည္းအေ၀းက ဆံုးျဖတ္ထားသည္။
ဗုဒၶဓမၼပရဟိတ ေဖာင္ေဒးရွင္းတြင္သံဃာအမ်ားစုပါ၀င္ေနေသာ္လည္း သံဃာသီးသန္႔ျဖင့္ ဖြဲ႕စည္းထားျခင္းမဟုတ္ဘဲ ရဟန္းရွင္လူ ပါ၀င္ေနသည့္အတြက္ သံဃာ့အဖြဲ႕အစည္းလုပ္ထံုးလုပ္နည္းႏွင့္ ၿငိစြန္းသည္ဟုမဆုိႏိုင္ေၾကာင္း၊ NGO အဖြဲ႕မ်ဳိးသာျဖစ္၍ မည္သည့္အဖြဲ႕အစည္းကမွ် ပယ္ဖ်က္ႏိုင္စြမ္းမရွိေၾကာင္း ေဖာင္ေဒးရွင္းက ဇူလိုင္ ၂၁ ရက္တြင္ထုတ္ျပန္သည္။
ဘာသာေရး၊ သာသနာေရးႏွင့္ စီးပြားေရးသက္သက္ကုိသာ က်င့္သံုးေဆာင္ရြက္ေသာ အသင္းအဖြဲ႕မ်ားအေနျဖင့္မွတ္ပံုတင္ေလွ်ာက္ထားရန္ မလုိအပ္သည့္အခ်က္ အသင္းအဖြဲ႕မ်ားမွတ္ပံုတင္ျခင္းဆုိင္ရာဥပေဒတြင္ ပါ၀င္သည္။
ထိုအခ်က္ကို ကိုးကား၍လည္းအသင္းအဖြဲ႕အေနျဖင့္ တရား၀င္မွတ္ပုံတင္ေလ်ွာက္ထားျခင္း မရိွဟုေဒါက္တာေသာပါက (ေဇတ၀န္)ကမိန္႔ၾကားသည္။
”ဒါေၾကာင့္မို႔ တရား၀င္ေနတဲ့တည္ဆဲဥပေဒနဲ႔ ညီၫြတ္တဲ့အဖြဲ႕ ဒီလုိအၿမဲတမ္းသံုးတာ”ဟု ဗုဒၶ ဓမၼ ပရဟိတေဖာင္ေဒးရွင္း(ဗဟို) ေျပာေရးဆိုခြင့္ရဆရာေတာ္ ေဒါက္တာ ေသာပါက(ေဇတ၀န္)က မိန္႔ၾကားသည္။
သံဃာ့အဖြဲ႕အစည္း အေျခခံစည္းမ်ဥ္းႏွင့္ မညီၫြတ္၍ ဗုဒၶ ဓမၼ ပရဟိတ ေဖာင္ေဒးရွင္းကို တရားမ၀င္အဖြဲ႕အစည္းအျဖစ္ ဆံုးျဖတ္ျခင္းျဖစ္သည္ဟု မဟန (၄၇) ပါးစံုညီ အစည္းအေ၀းတြင္ နာယကအဖြဲ႕၀င္ ဆရာေတာ္တစ္ပါးက ရွင္းလင္းေၾကာင္းဇူလိုင္ ၂၀ ရက္ ျပည္တြင္းထုတ္ ေန႔စဥ္သတင္းစာတစ္ေစာင္တြင္ ေရးသားေဖာ္ျပထားသည္။
အမ်ဳိးဘာသာ သာသနာေစာင့္ေရွာက္ေရး၊ ဗုဒၶ ဓမၼ ပရဟိတေဖာင္ေဒးရွင္းဆုိင္းဘုတ္မ်ားကို ၄၅ရက္အတြင္း ျဖဳတ္သိမ္းရန္လည္းမဟနအဖြဲ႕ အစည္းအေ၀းက တစ္ပါတည္း ဆံုးျဖတ္ခဲ့သည္။
ထုိဆံုးျဖတ္ခ်က္မ်ားကို မလုိက္နာပါက ရဟန္းပုဂိၢဳလ္ျဖစ္လွ်င္သံဃာ့အဖြဲ႕အစည္းဆုိင္ရာ ဥပေဒ- ၂၀/၉၀ျဖင့္ အေရးယူရန္၊လူပုဂိၢဳလ္ျဖစ္လွ်င္သက္ဆုိင္ရာ တည္ဆဲဥပေဒျဖင့္အေရးယူရန္ မဟနအဖြဲ႕ အစည္းအေ၀းက အတည္ျပဳခဲ့သည္။
အမ်ဳိးဘာသာ သာသနာ ေစာင့္ေရွာက္ေရးလုပ္ငန္းမ်ား ဆက္လက္လုပ္သင့္၊ မလုပ္သင့္၊ ဆိုင္းဘုတ္ ျဖဳတ္သင့္၊ မျဖဳတ္သင့္တို႔အတြက္ တိုင္းေဒသႀကီးႏွင့္ျပည္နယ္မ်ားရွိ အဖြဲ႕၀င္မ်ားထံမွ ဆႏၵေတာင္းခံထားၿပီး ထုိဆႏၵျပဳခ်က္မ်ားအေပၚသံုးသပ္၍ ေရွ႕ဆက္ မည္သုိ႔ ေဆာင္ရြက္မည္ကို ဗဟိုကဆုံးျဖတ္မည္ဟု ေဒါက္တာ ေသာပါက
(ေဇတ၀န္)က မိန္႔ၾကားသည္။
”ဆရာေတာ္တုိ႔ဆႏၵကေတာ့မျဖဳတ္သင့္ဘူး။ ဒီအတိုင္းပဲ ရပ္တည္သင့္တယ္။ ဘာျဖစ္လို႔လဲဆုိေတာ့ဆရာေတာ္တုိ႔က ဘယ္သူ႔ကုိမွ ေႏွာင့္ယွက္ေနတာလည္း မဟုတ္ဘူး။ ဆန္႔က်င္ဘက္လုပ္ေနတာလည္း မဟုတ္ဘူး။ အာဏာလုေနတာလည္း မဟုတ္ဘူးေလ။ ကိုယ္စြမ္းႏိုင္တာကို ဘာသာ၊သာသနာအတြက္ လုပ္တာပဲ။ ဆရာေတာ္တို႔ မလုပ္ႏိုင္တဲ့အလုပ္ေတြ လုပ္ေဖာ္ရတယ္လို႔ေတာင္မွ မဟနဆရာေတာ္ႀကီးေတြက ၀မ္းသာသင့္တာေပါ့” ဟု မႏၲေလးတိုင္းေဒသႀကီး အမ်ဳိးဘာသာ သာသနာ ေစာင့္ေရွာက္ေရး၊
ဗုဒၶ ဓမၼ ပရဟိတ ေဖာင္ေဒးရွင္းဦးေဆာင္ဆရာေတာ္ ဦးဣႏၵစကၠာဘိ၀ံသက စံေတာ္ခ်ိန္သို႔ ဇူလိုင္ ၂၂ရက္တြင္ မိန္႔ၾကားသည္။
“တရားဝင်အဖွဲ့အစည်းဖြစ်သည်ဟု ဗုဒ္ဓဓမ္မပရဟိတဖောင်ဒေးရှင်း(ဗဟို)တုံ့ပြန်”
ရန်ကုန်၊ ဇူလိုင်-၂၂
တည်ဆဲဥပဒေများကို ကျူးလွန်ခြင်းမရှိသကဲ့သို့ သံဃနာယက လုပ်ထုံးလုပ်နည်းစည်းမျဉ်းနှင့်လည်း ငြိစွန်းခြင်းမရှိသည့်အတွက် ဗုဒ္ဓဓမ္မပရဟိတဖောင်ဒေးရှင်း (ဗဟို) သည် တရားဝင် အဖွဲ့အစည်းဖြစ်သည်ဟု ပြောရေးဆိုခွင့်ရဆရာတော် ဒေါက်တာသောပါက (ဇေတဝန်)က စံတော်ချိန်သို့ ဇူလိုင် ၂၂ရက်တွင် မိန့်ကြားသည်။
အမျိုးဘာသာသာသနာ စောင့်ရှောက်ရေး(မဘသ)အဖွဲ့က အမည်ပြောင်းလဲထားသည့် ဗုဒ္ဓဓမ္မပရဟိတဖောင်ဒေးရှင်းသည်တရားမဝင်အဖွဲ့အစည်းဖြစ်ကြောင်းနှင့် ယင်းအဖွဲ့အမည်ဖြင့် မည်သည့်အမှုကိစ္စကိုမျှ ဆောင်ရွက်ခြင်းမပြုရန် ဇူလိုင် ၂၀ ရက်တွင် ကမ္ဘာအေး
ကုန်းမြေရှိ ဝိဇယမင်္ဂလာဓမ္မသဘင်၌ ကျင်းပသည့် နိုင်ငံတော်သံဃမဟာနာယက(မဟန)၄၇ ပါးစုံညီ အစည်းအဝေးက ဆုံးဖြတ်ထားသည်။
ဗုဒ္ဓဓမ္မပရဟိတ ဖောင်ဒေးရှင်းတွင်သံဃာအများစုပါဝင်နေသော်လည်း သံဃာသီးသန့်ဖြင့် ဖွဲ့စည်းထားခြင်းမဟုတ်ဘဲ ရဟန်းရှင်လူ ပါဝင်နေသည့်အတွက် သံဃာ့အဖွဲ့အစည်းလုပ်ထုံးလုပ်နည်းနှင့် ငြိစွန်းသည်ဟုမဆိုနိုင်ကြောင်း၊ NGO အဖွဲ့မျိုးသာဖြစ်၍ မည်သည့်အဖွဲ့အစည်းကမျှ ပယ်ဖျက်နိုင်စွမ်းမရှိကြောင်း ဖောင်ဒေးရှင်းက ဇူလိုင် ၂၁ ရက်တွင်ထုတ်ပြန်သည်။
ဘာသာရေး၊ သာသနာရေးနှင့် စီးပွားရေးသက်သက်ကိုသာ ကျင့်သုံးဆောင်ရွက်သော အသင်းအဖွဲ့များအနေဖြင့်မှတ်ပုံတင်လျှောက်ထားရန် မလိုအပ်သည့်အချက် အသင်းအဖွဲ့များမှတ်ပုံတင်ခြင်းဆိုင်ရာဥပဒေတွင် ပါဝင်သည်။
ထိုအချက်ကို ကိုးကား၍လည်းအသင်းအဖွဲ့အနေဖြင့် တရားဝင်မှတ်ပုံတင်လျှောက်ထားခြင်း မရှိဟုဒေါက်တာသောပါက (ဇေတဝန်)ကမိန့်ကြားသည်။
”ဒါကြောင့်မို့ တရားဝင်နေတဲ့တည်ဆဲဥပဒေနဲ့ ညီညွတ်တဲ့အဖွဲ့ ဒီလိုအမြဲတမ်းသုံးတာ”ဟု ဗုဒ္ဓ ဓမ္မ ပရဟိတဖောင်ဒေးရှင်း(ဗဟို) ပြောရေးဆိုခွင့်ရဆရာတော် ဒေါက်တာ သောပါက(ဇေတဝန်)က မိန့်ကြားသည်။
သံဃာ့အဖွဲ့အစည်း အခြေခံစည်းမျဉ်းနှင့် မညီညွတ်၍ ဗုဒ္ဓ ဓမ္မ ပရဟိတ ဖောင်ဒေးရှင်းကို တရားမဝင်အဖွဲ့အစည်းအဖြစ် ဆုံးဖြတ်ခြင်းဖြစ်သည်ဟု မဟန (၄၇) ပါးစုံညီ အစည်းအဝေးတွင် နာယကအဖွဲ့ဝင် ဆရာတော်တစ်ပါးက ရှင်းလင်းကြောင်းဇူလိုင် ၂၀ ရက် ပြည်တွင်းထုတ် နေ့စဉ်သတင်းစာတစ်စောင်တွင် ရေးသားဖော်ပြထားသည်။
အမျိုးဘာသာ သာသနာစောင့်ရှောက်ရေး၊ ဗုဒ္ဓ ဓမ္မ ပရဟိတဖောင်ဒေးရှင်းဆိုင်းဘုတ်များကို ၄၅ရက်အတွင်း ဖြုတ်သိမ်းရန်လည်းမဟနအဖွဲ့ အစည်းအဝေးက တစ်ပါတည်း ဆုံးဖြတ်ခဲ့သည်။
ထိုဆုံးဖြတ်ချက်များကို မလိုက်နာပါက ရဟန်းပုဂ္ဂိုလ်ဖြစ်လျှင်သံဃာ့အဖွဲ့အစည်းဆိုင်ရာ ဥပဒေ- ၂၀/၉၀ဖြင့် အရေးယူရန်၊လူပုဂ္ဂိုလ်ဖြစ်လျှင်သက်ဆိုင်ရာ တည်ဆဲဥပဒေဖြင့်အရေးယူရန် မဟနအဖွဲ့ အစည်းအဝေးက အတည်ပြုခဲ့သည်။
အမျိုးဘာသာ သာသနာ စောင့်ရှောက်ရေးလုပ်ငန်းများ ဆက်လက်လုပ်သင့်၊ မလုပ်သင့်၊ ဆိုင်းဘုတ် ဖြုတ်သင့်၊ မဖြုတ်သင့်တို့အတွက် တိုင်းဒေသကြီးနှင့်ပြည်နယ်များရှိ အဖွဲ့ဝင်များထံမှ ဆန္ဒတောင်းခံထားပြီး ထိုဆန္ဒပြုချက်များအပေါ်သုံးသပ်၍ ရှေ့ဆက် မည်သို့ ဆောင်ရွက်မည်ကို ဗဟိုကဆုံးဖြတ်မည်ဟု ဒေါက်တာ သောပါက
(ဇေတဝန်)က မိန့်ကြားသည်။
”ဆရာတော်တို့ဆန္ဒကတော့မဖြုတ်သင့်ဘူး။ ဒီအတိုင်းပဲ ရပ်တည်သင့်တယ်။ ဘာဖြစ်လို့လဲဆိုတော့ဆရာတော်တို့က ဘယ်သူ့ကိုမှ နှောင့်ယှက်နေတာလည်း မဟုတ်ဘူး။ ဆန့်ကျင်ဘက်လုပ်နေတာလည်း မဟုတ်ဘူး။ အာဏာလုနေတာလည်း မဟုတ်ဘူးလေ။ ကိုယ်စွမ်းနိုင်တာကို ဘာသာ၊သာသနာအတွက် လုပ်တာပဲ။ ဆရာတော်တို့ မလုပ်နိုင်တဲ့အလုပ်တွေ လုပ်ဖော်ရတယ်လို့တောင်မှ မဟနဆရာတော်ကြီးတွေက ဝမ်းသာသင့်တာပေါ့” ဟု မန္တလေးတိုင်းဒေသကြီး အမျိုးဘာသာ သာသနာ စောင့်ရှောက်ရေး၊
ဗုဒ္ဓ ဓမ္မ ပရဟိတ ဖောင်ဒေးရှင်းဦးဆောင်ဆရာတော် ဦးဣန္ဒစက္ကာဘိဝံသက စံတော်ချိန်သို့ ဇူလိုင် ၂၂ရက်တွင် မိန့်ကြားသည်။
