မစိုးရိမ်တိုက်သစ် ကျောင်းဒါယိကာမကြီး ဒေါ်သောင်းသောင်း နှစ်ပတ်လည် ဆွမ်းလှူပွဲ
12.12.2017 ရက်နေ့ မနက် 10:30 နာရီ မန္တလေး အောင်မြေသာစံမြို့နယ် ဝိဘဇ္ဇဝါဒီပရိယတ္တိစာသင်တိုက်မှာ ဆက်ကပ်ပါတယ်။ မစိုးရိမ်တိုက်သစ် နာယကဆရာတော်များ ကြွရောက်ကြပါတယ်။
မစိုးရိမ်တိုက်သစ် ဓမ္မယာနကျောင်းနှင့် ဓမ္မသမိဒ္ဓိကျောင်းဒါယကာကြီး ဆေးပွဲစားကြီးဦးခင်မောင် ကျောင်းဒါယိကာမကြီး သုဓမ္မသိင်္ဂီဒေါ်ဖွားချော ဝိဘဇ္ဇဝါဒီ သိမ်ကျောင်းဒါယကာကြီး ဆေးပွဲစားကြီးဦးကျော်ဆွေ သိမ်ကျောင်းဒါယိကာမကြီး ဒေါ်သောင်းသောင်းတို့ကို ရည်စူးပြီး ပြုကြတဲ့အလှူဒါနပါ။
သမီး မခင်စန်းဝင်းနှင့်မောင်နှမတစ်စုတို့ရဲ့ ကောင်းမှုဖြစ်ပါတယ်။ ဝိဘဇ္ဇဝါဒီစာသင်တိုက်ဟာ မစိုးရိမ်တိုက်သစ်ထွက် ဆရာတော်များ တည်ထောင်ဖွင့်လှစ်ထားတဲ့ စာသင်တိုက်ကြီးပါ။ ပဓာနနာယကဆရာတော် ဘဒ္ဒန္တဝိလာသာဘိဝံသဟာ မစိုးရိမ်တိုက်သစ် ဓမ္မယာနကျောင်း နာယကဆရာတော်ဖြစ်ခဲ့သူပါ။
စာရေးသူရဲ့ ဆရာရင်းဖြစ်ပါတယ်။ စာချဆရာတော် ဦးနန္ဒနှင့် ဦးကောဏ္ဍညတို့ကလည်း မစိုးရိမ်တိုက်သစ်ထွက် သာသနဓဇဓမ္မာစရိယဘွဲ့ရ ဆရာတော်များဖြစ်ပါတယ်။
