သမ္မတညွှန်ကြားတာကို မလိုက်နာတဲ့ ဝန်ကြီးများကို အမြန်ဖြုတ်ပေး
9.12.2017 ရက်နေ့ မန္တလေးမှာကျင်းပတဲ့ DVB ဒီဘိတ်အစီအစဉ်ထဲက ကောက်နုတ်ထားတာပါ။ တရားလွှတ်တော်ရှေ့နေ ဦးမျိုးမင်းဇော် ဆွေးနွေးတာကို အမရပူရမှ ဦးသိန်းထွန်းဦးက တုန့်ပြန်ဆွေးနွေးထားတာလေးပါ။ အခမ်းအနားမှူးက ဦးမျိုးမင်းဇော်ကို မေးပါတယ်။
သမ္မတညွှန်ကြားတဲ့အတိုင်းမလုပ်ဘူးလားလို့ မေးတာပါ။ ဦးမျိုးမင်းဇော်က မလုပ်ဘူးလို့ ဖြေသွားပါတယ်။ ဦးမျိုးမင်းဇော် ဘယ်သူ့ကို ရည်ရွယ်ပြီးပြောပါသလဲ။ ဘယ်လိုညွှန်ကြားတာကို ဘယ်သူက မလိုက်နာတာလဲ။
တကယ်လို့ ဦးမျိုးမင်းဇော်ပြောတဲ့အတိုင်း သမ္မတခိုင်းတာ မလုပ်တဲ့လူရှိရင် အမြန်ဖြုတ်ပေးပါလို့ ထပ်မံတောင်းဆိုပါရစေ။
ကာကွယ်ရေးဝန်ကြီးပဲဖြစ်ဖြစ်၊ ပြည်ထဲရေးဝန်ကြီးပဲဖြစ်ဖြစ်၊ နယ်စပ်ရေးရာဝန်ကြီးပဲဖြစ်ဖြစ်၊ ဘယ်ဝန်ကြီးပဲဖြစ်ဖြစ် သမ္မတခိုင်းတဲ့အတိုင်း မလုပ်တဲ့ဝန်ကြီးမှန်သမျှကို သမ္မတကြီးလက်မှတ်နှင့် အမြန်ဖြုတ်ပေးပါခင်ဗျာ။
ဝီရသူ (မစိုးရိမ်)
11.12.2017
9:30 PM
