ဝီရသူ

“နိုင်ငံရေးသွေးနှင့် နိုင်ငံရေးပိုး” (၃)

သင်္ဃန်းဖြူဆရာတော်

(16.9.2021 ရက်နေ့ထုတ် အတွဲ(၂) အမှတ်(၃၉) Golden Hand ဂျာနယ်မှ ကူးယူဖော်ပြသည်။)

NLD သည် အစိုးရကောင်းတစ်ရပ် ဟုတ်လေသလော

            ဒီမိုကရေစီဆိုသည်မှာ By the people, For the people, Of the people (ပြည်သူက ပြည်သူ့အတွက် ပြည်သူကို အုပ်ချုပ်ရသောစနစ်) ဖြစ်၏။ အတိုက်အခံကာလ၌ ထို P သုံးလုံးကို အမြဲပြောလေ့ရှိသော NLDပါတီ ခေါင်းဆောင်များသည် အစိုးရတစ်ရပ်အဖြစ် အုပ်ချုပ်ခွင့်ရရှိလာသည့်အခါ ပြောင်းပြန်ဖြစ်သွား၏။ By the power, For the power, Of the power (အာဏာဖြင့် အာဏာက အာဏာအတွက်) အုပ်ချုပ်သွားလေ၏။ Power သုံးခု (P သုံးလုံး) ကို မြင်အောင်ကြည့်နိုင်လျှင် CDM ဆီ သီရဲလိမ့်မည်မဟုတ်။ မြင်အောင်မကြည့်နိုင်၍သာ CDM နေကြခြင်းဖြစ်၏။

ဒေါ်အောင်ဆန်းစုကြည်သည် နိုင်ငံရေးသမားကောင်း ဟုတ်လေသလော

            နိုင်ငံရေးသမားကောင်းတို့မည်သည် အမိမြေပေါ် မတ်မတ်ရပ်တည်ရမည်။ ပြည်သူ့အကျိုးကို ရှေးရှုရမည်။ အမှန်တရားကို မြတ်နိုးရမည်။ NLD ပါတီသည် ဤသုံးခုအတွက် မည်သို့အကျိုးပြုခဲ့လေသနည်း။ တိုင်းပြည်အချုပ်အခြာအာဏာကို တန်ဖိုးထားရမည့်အစား အေနာက်တံခါးကို ချိုးပစ်၏။ အန္တရာယ်ကြီးသော လူသားမျိုးနွယ်ကို အစုလိုက်အပြုံလိုက် အလုံးအရင်းဖြင့် ခိုးသွင်း၏။ OIC နှင့် လက်ဝါးချင်းရိုက်ကာ ICJ ရောက်အောင် လုပ်ခဲ့၏။ တိုင်းပြည်အကျိုးစီးပွားကို ကာကွယ်မည်ဟု လှည့်ဖြားကာ တိုင်းပြည်အန္တရာယ်ကျအောင် လျှောက်လဲချက်ပေးခဲ့၏။ ထို့နောက် ICJ ရုံးမှအပြန် ရွေးကောက်ပွဲမတိုင်မီ ကာလတစ်လျှောက်လုံး OIC အလိုကျ ဘင်္ဂလီအရေးများကိုသာ ဖော်ဆောင်ပေးခဲ့၏။ အချုပ်အခြာအာဏာကို တန်ဖိုးမထားသည့် အဆင့်မျှပင် မရှိတော့ဘဲ တိုင်းပြည်သစ္စာဖောက်အဆင့်၊ တိုင်းပြည်ကို ရောင်းစားသည့်အဆင့်ထိသို့ပင် ရောက်ရှိခဲ့လေ၏။

            အို … CDM ဆရာဝန်အပေါင်းတို့၊ သင်တို့ ထောက်ခံအားပေးနေသော NLD သည် တိုင်းပြည်ကို ရောင်းစားခဲ့ကြမှန်း သိကြလေသလော။

            ဒေါ်အောင်ဆန်းစုကြည်နှင့် NLD ခေါင်းဆောင်တို့သည် ပြည်သူနှင့်အတူ၊ ပြည်သူသာလျှင် အဓိက စသည်ဖြင့် အမြဲတမ်း ပြည်သူကို ဦးထိပ်ထားလေဟန် လှည့်စားခဲ့ကြ၏။ သူတို့အတွက် ပြည်သူတို့သည် မဟာရံတံတိုင်းကြီးကဲ့သို့ ဖြစ်နေလေ၏။ သူတို့ဆောင်ပုဒ်အတိုင်း အမှန်တကယ် ပြည်သူ့အကျိုး ရှေးရှုခဲ့ကြလေသလော။ အခွန်အခများ တိုးကောက်ကာ ပြည်သူကို အခွန်ဖြင့်နှိပ်စက်၏။ အခွန်ဆောင်ထားသည့် ပြည်သူ့ချွေးနှဲစာ ဘဏ္ဍာငွေများကို ဖြုန်းတီးခြင်းပေါင်း စုံလင်စွာဖြင့် ဖြုန်းတီးပစ်ကြ၏။

            အို … နိုင်ငံရေးဆရာဝန်အပေါင်းတို့၊ ပြည်သူကို ညာစားနေသော NLD အစိုးရ၏ ဖြုန်းတီးမှုပေါင်းစုံကို သင်တို့မြင်အောင် ကြည့်နိုင်လေသလော။

            ဒေါ်အောင်ဆန်းစုကြည်အပါအ၀င် နိုင်ငံရေးသမားကြီးများသည် အမှန်တရားကို မြတ်နိုးလေဟန် အမြဲတမ်းကြွေးကြော်ခဲ့ကြ၏။ ၎င်းတို့သည် ၎င်းတို့ကြွေးကြော်သည့်အတိုင်း အမှန်တရားကို အမှန်တကယ် မြတ်နိုးကြလေသလော။ ၀င်းနှင့် ဇော်အရေးအတွင် သံရုံးကိုစာပို့ခြင်း၊ ထိုင်းအစိုးရထံ မေတ္တာရပ်ခံခြင်း၊ ထိုင်းအစိုးရနှင့် တွေ့ဆုံညှိနှိုင်းခြင်း၊ ပြည်သူကို နှစ်သိမ့်အားပေးခြင်းများ ပြုလုပ်ခဲ့လေသလော။ ပြည်သူ့အတွက်၊ အမှန်တရားအတွက် မည်သို့များ ရပ်တည်ပေးခဲ့လေသနည်း။

            သမ္မတနှင့် အတိုင်ပင်ခံပုဂ်္ဂိုလ်တို့ အွန်လိုင်းစနစ်ဖြင့် နေ့စဉ်မဲဆွယ်နေခြင်း၊ ဆိုင်းဘုတ်ထူ၊ အောင်လံလွှင့်ကာ ပါတီလုပ်ငန်း ဗြောင်လုပ်နေခြင်းသည် မှန်ကန်သည်၊ တရားသည်၊ မျှတသည်၊ ဥပဒေနှင့်ညီသည်ဟု ယူဆပါသေလာ။ မဲစာရင်းဖောင်းပွမှုကို မဖြေရှင်းဘဲ ဇွတ်အတင်းအစိုးရဖွဲ့ရန် လွှတ်တော်ဇွတ်ခေါ်နေခြင်းသည် သိက္ခာရှိသော အစိုးရတစ်ရပ်၏ လုပ်ဆောင်ချက်ဟု မှတ်ထင်နေသလော။

            အို … CDM ဦးဆောင် နိုင်ငံရေးဆရာဝန်အပေါင်းတို့ အမှန်တရားဆိုသည်မှာ ဒေါ်အောင်ဆန်းစုကြည်နှင့် NLD ၏ ပါးစပ်ဖျားတွင်သာရှိ၏။ ရင်ထဲ၌ လုံးဝမရှိ။ ဤသည်ကို သင်တို့သိလေသလော။

ဆရာဝန်နိုင်ငံရေးနှင့် ဘောလုံးပွဲနိုင်ငံရေး

            စာရေးသူသည် နိုင်ငံရေးသမားကောင်းတစ်ဦး၏ အရည်အချင်းများကို ၎င်းသုံးချက် (နိုင်ငံ၊ ပြည်သူ၊ အမှန်တရား) ဖြင့်သာ အကဲဖြတ်လေ့ရှိပါသည်။ ဤသို့ဆိုလျှင် အချုပ်အခြာတန်ဖိုးလည်း NLD မသိ (နိုင်ငံ)၊ ပြည်သူကိုလည်း မည်သည့်ကောင်းကျိုးမျှ လုံးဝမပြု (ပြည်သူ)၊ အမှန်တရားဘက်တွင်လည်း NLD မရှိ (အမှန်တရား)၊ သို့ပါလျက် အဘယ်အတွက် NLD ကို ထောက်ခံနေကြသနည်း။ စစ်သားမုန်းရုံသက်သက်ဖြင့် NLDကို တစ်သက်လုံး ထောက်ခံရမည်ဆိုသည်မှာ ဆရာဝန်နိုင်ငံရေးများ ဖြစ်လေသလော။

            ထို့ကြောင့် နိုင်ငံရေးမည်သည် တိုင်းပြည်အရေးသာဖြစ်၏။ တိုင်းပြည်မျက်နှာကိုသာ ကြည့်ရမည်။ ပြည်သူ့အရေးသာဖြစ်၏။ ပြည်သူ့မျက်နှာကိုသာ ကြည့်ရမည်။ အမှန်တရားအရေးသာဖြစ်၏။ အမှန်တရား မျက်နှာကိုသာ ကြည့်ရမည်။ စစ်သား၊ အရပ်သား မခွဲခြားဘဲ တိုင်းပြည်အကျိုးပြုသည့်အစိုးရ ကိုယ့်အစိုးရ၊ ပြည်သူအကျိုးပြုသည့်အစိုးရ ကိုယ့်အစိုးရ၊ အမှန်တရားဘက်တွင် ရပ်တည်သောအစိုးရ ကိုယ့်အစိုးရဟုသာ သတ်မှတ်ရပေမည်။ နိုင်ငံရေးကို ဘောလုံးပွဲကြည့်သကဲ့သို့ အသင်းစွဲဖြင့် အားပေးရန်မသင့်ပေ။

NLD မှာ အမှန်တရားမရှိ

            အစပထမပိုင်း၌ မခံချင်စိတ်ဖြင့် CDM လုပ်သည်ကို လက်ခံ၏။ ပြည်သူထိခိုက်နစ်နာမှု ကြီးမားနေပါလျက် ကျားကျားမီးယပ်ပမာ CDM လုပ်နေခြင်းကား အမှန်နှင့် အမှား မခွဲခြားတတ်မှန်း ပေါ်လွင်၏။ ယခင် UEC တရားပါသည်၊ မှန်ကန်ပါသည်ဟု သင်တို့အာမခံနိုင်လေသလော။ အနိုင်ရလွှတ်တော်ကိုယ်စားလှယ် NLD အမတ်များသည် မှန်ကန်ပါသည်၊ ဖြောင့်မတ်ပါသည်ဟု အာမခံနိုင်လေသလော။ အနိုင်ရခဲ့သည့် မိမိတို့ မဲဆန္ဒနယ်မြေအသီးသီးတွင် သန့်ရှင်းစွာအနိုင်ရခဲ့ခြင်းဖြစ်ပါသည်ဟု အာမခံချက်ပေးနိုင်ပါသလော။ ယခု UEC ဖြေပြထားသည့် အရှုပ်ထုပ်ကို မည်သို့ဖြေရှင်းပေးနိုင်သနည်း။ ထို့ကြောင့် NLD တွင် အမှန်တရားမရှိဟု ဆိုခြင်းဖြစ်၏။ ဤသို့မျှ မသိသူများကို နိုင်ငံရေးမူလတန်းအဆင့်ဟု သတ်မှတ်ခြင်းဖြစ်၏။

ပြည်သူသေလျှင် သေပါစေ CDM မှ CDM

            မည်သို့ဆိုစေ ရုပ်နာမ်ဓမ္မ သင်္ခါရကို ဖြစ်ပျက်ရှုကာ အမြဲတမ်း ဒိဋ္ဌိခွါ၍နေသော ၀ိပဿနာယောဂီ (ဂေါပက) များသည်ပင် နိုင်ငံရေးသွေးဝင်လာသည့်အခါ သံဃာကို သံဃာဟုပင် မရှုမြင်နိုင်တော့ဘဲ NLD ကို မထောက်ခံသော ဘုန်းကြီးဆိုလျှင် နိုင်ငံရေးဘုန်းကြီးဟု သတ်မှတ်ကာ ကျောင်းရိပ်မနင်းစေရ၊ ကျောင်းမြေ ခြေမချရဟု ခွဲခြားဆက်ဆံလေ့ရှိရာ နိုင်ငံရေးသွေးဝင်နေသော ဆရာဝန်များသည် လူနာကိုပစ်ထားသောအားဖြင့် ပြည်သူအပေါ် ရက်စက်ဝံ့ကြသည်ကိုကား အဆန်းကြီးဟု မဆိုသာချေ။ သို့သော် သူတစ်ပါးအသက်ကို ကယ်မြဲဖြစ်သော ဆရာဝန်များသည် သူတစ်ပါးအသက်ကို ပစ်ထားသောအားဖြင့် အသက်ပေါင်းများစွာ သေကျေပျက်စီးစိမ့်သောငှာ နိုင်ငံရေးလုပ်ခဲ့ကြဖူးသည်ဟူသော သမိုင်းဆိုးကြီးကား မြန်မာ့နိုင်ငံရေးတွင် စွန်း ထင်းကျန်နေရစ်မည်သာ ဖြစ်ပေ၏။

သွေးပေသောလက်မှ သွေးစွန်းသောလက်သို့

            သတင်းစာများ၌ ၀ရမ်းထုတ်ခံထားရသော ဆရာဝန်စာရင်းများ ဓာတ်ပုံနှင့်တကွ ပါလာသည်ကို တွေ့ရတိုင်း ၀မ်းနည်းမိပေသည်။ ယခင်က အလုံးအရင်းဖြင့် ထောင်ကျသည်ဟူ၍ သံဃာ၊ ကျောင်းသား၊ နိုင်ငံရေးသမားများသာ ကြားဖူး၏။ ယခုအခါ၌ကား အနုပညာရှင်နှင့် ဆရာဝန်များလည်း အစုလိုက်အပြုံလိုက် ထောင်ကျရတော့မည့်အရေး ဖြစ်နေသောကြောင့်တည်း။ တစ်ခုအမြတ်ရသည်မှာ အကျဉ်းထောင်နှင့် နဖူးတွေ့ ဒူးတွေ့ တွေ့ထိရသည့်အခါ အကျဉ်းသားတို့၏ ဒုက္ခသုက္ခများ၊ အကျဉ်းထောင်၏ လိုအပ်ချက်များကိုလည်း လက်တွေ့သိမြင်လာရပေလိမ့်မည်။ ထိုအခါ လခယူ၍ ဆေးကုရမည့်လုပ်ငန်းကို စွန့်လွှတ်ခဲ့သော ဆရာဝန်များသည် လခမရဘဲ ဆေးကုရမည့်လုပ်ငန်းကို ကျေကျေနပ်နပ်ကြီး လုပ်ကြရမည့်အကျိုးကျေးဇူးနှင့် အခွင့်အလမ်းများ ရရှိနိုင်ခြင်းပင်။ ထောင်ထဲတွင် နေ့စဉ်နိုင်ငံရေးဆွေးနွေးလျက် ခေတ်တစ်ခုကို ဖြတ်သန်းရသည့်အခါ နိုင်ငံ၊ ပြည်သူ၊ အမှန်တရားဟူသော နိုင်ငံရေးလက်စွဲဆောင်ပုဒ်ကို ကိုင်စွဲမိသည့်အခါ၌ နိုင်ငံရေးဟူသည် ဆေးထိုးအပ်ကိုင်တတ်ရုံ၊ နားကြပ်ထောက်စမ်းတတ်ရုံ၊ ကွန်ပျူတာဖတ်တတ်ရုံ၊ ဓာတ်မှန်ရိုက်တတ်ရုံ၊ ခွဲစိတ်ကြည့်တတ်ရုံလောက် ရိုးရှင်းသောအလုပ်မဟုတ် ဆိုသည်ကိုကား ဘ၀ချီပေးဆပ်ရစဉ် သိမြင်လာလိမ့်မည်ဟု ယုံကြည်မိပါ၏။

            ယခင်က သွေးပေခဲ့သော လက်များသည် ယခုအခါ သွေးစွန်းသောလက်များ ဖြစ်ခဲ့၏။ ၀မ်းနည်းဖွယ် ကောင်းပေစွ။

ဤကမ္ဘာနှင့် မဲတုမာတာ

            အမှန်အားဖြင့် နိုင်ငံကိုလည်းမချစ်၊ ပြည်သူကိုလည်း အကျိုးမပြု၊ အမှန်တရားဘက်တွင်လည်း လုံးဝ မရှိသော အလုံးစုံပျက်သုဉ်းရေးစီမံချက်ဖြင့် တိုင်းပြည်ကိုရောင်းစားခဲ့လေသူ မဲတုမာတာ မိန်းမကြီးတစ်ယောက်ကို နိုင်ငံ့ခေါင်းဆောင်တင်မြှောက်ကာ သစ္စာရှိပြ၊ ချစ်ပြကြလျက် ဘုရားလိုကိုးကွယ်ကြပြီး ထိုမိန်းမကြီးကိုထိလျှင် ဆတ်ဆတ်ထိမခံ တုံ့ပြန်တတ်ကြသော နိုင်ငံရေးဆရာဝန်များနှင့် နိုင်ငံရေးအနုပညာရှင်များ ထွန်းကားရာ နိုင်ငံဟူ၍ ဤကမ္ဘာတွင် ကျွန်ုပ်တို့ မြန်မာတစ်နိုင်ငံတည်းသာ ရှိလေသတည်း။  ။

သင်္ဃန်းဖြူဆရာတော်

၂၀-၄-၂၀၂၁