“အနားယူက်င့္စဥ္”
(ဆရာေတာ္ဦး၀ီရသူ၏ ႏွစ္သစ္ကူး အထူးလက္ေဆာင္)
ေန႔ဆြမ္းစားၿပီး၍ သဟာယေက်ာင္းသို႔ ျပန္ေရာက္သည္ႏွင့္ လက္ေဆး ပါးစပ္ေဆး သြားတိုက္ ခံတြင္းသန္႔ရွင္းေရးလုပ္ပါသည္။ မနက္ပိုင္း လုပ္လက္စအလုပ္မ်ားကို လက္စသပ္ပါသည္။အြန္လိုင္းအတြက္ သတင္းေရးျခင္း၊ ေဆာင္းပါးေရးျခင္း၊ အခ်က္အလက္ရွာျခင္းမ်ား ျပဳလုပ္ပါသည္။ေန႔ဆြမ္းစားၿပီး ခ်က္ခ်င္းက်ိန္းစက္အနားယူျခင္းမ်ဳိး မရွိပါ။ အမ်ဳိးသားေရးအတြက္ အခ်ိန္ေပးရပါသည္။ပံုမွန္အားျဖင့္ မြန္းလြဲ ၁း၃၀နာရီမွ ၂း၀၀နာရီအတြင္း အိပ္ရာဝင္ပါသည္။
ေန႔ဘက္အိပ္သည့္အခါ ေခါင္းအံုးမသံုးပါ။ အိပ္ရာခင္းေပၚမွာ တစ္ကိုယ္လံုးတေျပးညီေက်ာဆန္႔၍ ပက္လက္အေနအထားျဖင့္ အိပ္ပါသည္။ လက္ႏွစ္ဘက္ကို ရင္ဘတ္ေပၚတင္၍ တရားရႈမွတ္သည့္ပံုစံမ်ဳိးမဟုတ္ဘဲ လက္ႏွစ္ဘက္ကို ခါးႏွင့္ကပ္လ်က္ အထက္ေအာက္ဆန္႔တန္းၿပီး လက္ဖဝါးမ်ားကို ေမွာက္ထားကာ ေျခဖ်ားမ်ားကို အတြင္းဘက္ ေျခဖေနာင့္မ်ားကိုအျပင္ဘက္သို႔ ေကာ့ထားလုိက္ပါသည္။ ခါးမွအပူမ်ား ထုတ္ပစ္ျခင္းျဖစ္ပါသည္။ ထုိ႔ေၾကာင့္စာေရးသူ ခါးနာေရာဂါမရွိပါ။ အထုိင္မ်ားလြန္းသည့္အခါမ်ဳိး၌ ခါးနာလာလွ်င္လည္း ဤနည္းျဖင့္ေျဖေဖ်ာက္လိုက္လွ်င္ တစ္ခဏအတြင္း ေပ်ာက္ကင္းသြားတတ္ပါသည္။ စာေရးသူထံ ခါးနာေၾကာင္း ေျပာျပသူမ်ားကိုလည္း ဤနည္းကိုပင္ ေပးေလ့ရွိပါသည္။ အမ်ဳိးသားမ်ားကို လက္ေတြ႔အိပ္ခုိင္းကာ အမ်ဳိးသမီးမ်ားဆိုလွ်င္ ေက်ာင္းသားတစ္ေယာက္ကို အိပ္ျပခုိင္းတတ္ပါသည္။ ေဆးထိုး ေဆးစား ေဆးလိမ္း ေဆးေသာက္ျခင္းမ်ားလည္း လုပ္စရာမလို နင္းႏွိပ္အပူထုတ္ေပးစရာလည္း မလိုဘဲ အလြယ္တကူခါးနာေပ်ာက္သည့္နည္း ျဖစ္ပါသည္။သို႔ေသာ္ ထိခိုက္ဒဏ္ရာရထားသည့္ ခါးနာေဝဒနာရွင္မ်ားဆိုလွ်င္ ဤနည္းမွ်ျဖင့္ မရႏိုင္ပါ။ အပူခုိျခင္း ေလရႈိျခင္း စသည့္ အထုိင္မ်ားျခင္း အထုိင္မွားျခင္းေၾကာင့္ ျဖစ္တတ္သည့္ေဝဒနာမ်ဳိးသာ ဤနည္းျဖင့္ ကုသႏိုင္ပါသည္။
ထိုသို႔ ခါးအပူထုတ္ေနစဥ္ ပစၥေဝကၡဏာဆင္ျခင္ပါသည္။ ပါဠိရြတ္လိုက္ ေဆာင္ပုဒ္ရြတ္လိုက္ျဖင့္ စိတ္ထဲမွာသာ ဆင္ျခင္ျခင္း ျဖစ္ပါသည္။ အိပ္ရာေပၚ ဦးေခါင္းခ်လိုက္သည္ႏွင့္ ပစၥေဝကၡဏာဆင္ျခင္ၿပီးသား ျဖစ္သြားတတ္သည္က မ်ားပါသည္။ တကူးတက အာရံုယူ၍ ဆင္ျခင္စရာပင္ မလိုအပ္ပါ။ အလုပ္ပင္ပန္း၍ခဏလွဲကာ အနားယူလွ်င္လည္း ပစၥည္းေလးပါး ဆင္ျခင္ၿပီးသား ျဖစ္ေနတတ္ပါသည္။ အိုးဘိုေတာရမွာေနထုိင္ခဲ့ရသည့္ႏွစ္မ်ား၌ သကၤန္းဝတ္ခြင့္မရေသာ္လည္း ပစၥဝကၡဏာဆင္ျခင္မႈလုပ္ငန္းကား လံုးဝပ်က္မသြားပါ။ ပံုမွန္လည္ပတ္ၿမဲသာ ျဖစ္ပါသည္။ သာမန္ပါဠိအနက္ ရြတ္ဆို၍ ဆင္ျခင္းျခင္းမ်ဳိးမဟုတ္ဘဲ အေလးအနက္ထား၍ ဆင္ျခင္ျခင္းမ်ဳိးသာ ျဖစ္ပါသည္။ ပစၥေဝကၡဏာဆင္ျခင္ၿပီးသည့္အခါ မိမိခႏၶာကိုယ္ကို ေျခဆံုးေခါင္းဆံုးအာရံုယူကာ တရားရႈမွတ္ပါသည္။ မိနစ္ပိုင္းမွ်သာ မွတ္လုိက္ရၿပီး အိပ္ေပ်ာ္သြားသည္က မ်ားပါသည္။ပင္ပန္းသည့္အခါ အိပ္ေရးပ်က္သည့္အခါမ်ဳိး၌ ပစၥေဝကၡဏာဆံုးသည္မထင္ပါ။ ေခါင္းခ်လုိက္သည္ႏွင့္အိပ္ေပ်ာ္သြားတတ္ေသာေၾကာင့္ ျဖစ္ပါသည္။
ေန႔ဘက္အိပ္စက္ရာကာလသည္ ပုံမွန္အားျဖင့္ တစ္နာရီသာ ၾကာတတ္ပါသည္။အေရးႀကီးသည့္အခါ အေရးေပၚသည့္အခါမ်ဳိး၌ မိနစ္ပိုင္းမွ်သာ နားရေလ့ရွိၿပီး အေရးမႀကီး အေရးမေပၚလွ်င္ တစ္နာရီေက်ာ္ ၾကာတတ္သည္လည္း ရွိပါသည္။ ပစၥဝကၡဏာဆင္ျခင္ျခင္း၊ တရားရႈမွတ္ျခင္းတုိ႔ေၾကာင့္ အိပ္ရာထသည့္အခါ လန္းဆန္းတက္ၾကြေနတတ္ပါသည္။
အနားယူက်င့္စဥ္ ၿပီးပါၿပီ။
ဝီရသူ(မစုိးရိမ္)
23.4.2020
ကမ္ဘာကျော်ဆရာတော်၏ ကမ္ဘာမကျော်သော အတွေးအခေါ်များ (၅)
“အနားယူကျင့်စဉ်”
(ဆရာတော်ဦးဝီရသူ၏ နှစ်သစ်ကူး အထူးလက်ဆောင်)
နေ့ဆွမ်းစားပြီး၍ သဟာယကျောင်းသို့ ပြန်ရောက်သည်နှင့် လက်ဆေး ပါးစပ်ဆေး သွားတိုက် ခံတွင်းသန့်ရှင်းရေးလုပ်ပါသည်။ မနက်ပိုင်း လုပ်လက်စအလုပ်များကို လက်စသပ်ပါသည်။အွန်လိုင်းအတွက် သတင်းရေးခြင်း၊ ဆောင်းပါးရေးခြင်း၊ အချက်အလက်ရှာခြင်းများ ပြုလုပ်ပါသည်။နေ့ဆွမ်းစားပြီး ချက်ချင်းကျိန်းစက်အနားယူခြင်းမျိုး မရှိပါ။ အမျိုးသားရေးအတွက် အချိန်ပေးရပါသည်။ပုံမှန်အားဖြင့် မွန်းလွဲ ၁း၃၀နာရီမှ ၂း၀၀နာရီအတွင်း အိပ်ရာဝင်ပါသည်။
နေ့ဘက်အိပ်သည့်အခါ ခေါင်းအုံးမသုံးပါ။ အိပ်ရာခင်းပေါ်မှာ တစ်ကိုယ်လုံးတပြေးညီကျောဆန့်၍ ပက်လက်အနေအထားဖြင့် အိပ်ပါသည်။ လက်နှစ်ဘက်ကို ရင်ဘတ်ပေါ်တင်၍ တရားရှုမှတ်သည့်ပုံစံမျိုးမဟုတ်ဘဲ လက်နှစ်ဘက်ကို ခါးနှင့်ကပ်လျက် အထက်အောက်ဆန့်တန်းပြီး လက်ဖဝါးများကို မှောက်ထားကာ ခြေဖျားများကို အတွင်းဘက် ခြေဖနောင့်များကိုအပြင်ဘက်သို့ ကော့ထားလိုက်ပါသည်။ ခါးမှအပူများ ထုတ်ပစ်ခြင်းဖြစ်ပါသည်။ ထို့ကြောင့်စာရေးသူ ခါးနာရောဂါမရှိပါ။ အထိုင်များလွန်းသည့်အခါမျိုး၌ ခါးနာလာလျှင်လည်း ဤနည်းဖြင့်ဖြေဖျောက်လိုက်လျှင် တစ်ခဏအတွင်း ပျောက်ကင်းသွားတတ်ပါသည်။ စာရေးသူထံ ခါးနာကြောင်း ပြောပြသူများကိုလည်း ဤနည်းကိုပင် ပေးလေ့ရှိပါသည်။ အမျိုးသားများကို လက်တွေ့အိပ်ခိုင်းကာ အမျိုးသမီးများဆိုလျှင် ကျောင်းသားတစ်ယောက်ကို အိပ်ပြခိုင်းတတ်ပါသည်။ ဆေးထိုး ဆေးစား ဆေးလိမ်း ဆေးသောက်ခြင်းများလည်း လုပ်စရာမလို နင်းနှိပ်အပူထုတ်ပေးစရာလည်း မလိုဘဲ အလွယ်တကူခါးနာပျောက်သည့်နည်း ဖြစ်ပါသည်။သို့သော် ထိခိုက်ဒဏ်ရာရထားသည့် ခါးနာဝေဒနာရှင်များဆိုလျှင် ဤနည်းမျှဖြင့် မရနိုင်ပါ။ အပူခိုခြင်း လေရှိုခြင်း စသည့် အထိုင်များခြင်း အထိုင်မှားခြင်းကြောင့် ဖြစ်တတ်သည့်ဝေဒနာမျိုးသာ ဤနည်းဖြင့် ကုသနိုင်ပါသည်။
ထိုသို့ ခါးအပူထုတ်နေစဉ် ပစ္စဝေက္ခဏာဆင်ခြင်ပါသည်။ ပါဠိရွတ်လိုက် ဆောင်ပုဒ်ရွတ်လိုက်ဖြင့် စိတ်ထဲမှာသာ ဆင်ခြင်ခြင်း ဖြစ်ပါသည်။ အိပ်ရာပေါ် ဦးခေါင်းချလိုက်သည်နှင့် ပစ္စဝေက္ခဏာဆင်ခြင်ပြီးသား ဖြစ်သွားတတ်သည်က များပါသည်။ တကူးတက အာရုံယူ၍ ဆင်ခြင်စရာပင် မလိုအပ်ပါ။ အလုပ်ပင်ပန်း၍ခဏလှဲကာ အနားယူလျှင်လည်း ပစ္စည်းလေးပါး ဆင်ခြင်ပြီးသား ဖြစ်နေတတ်ပါသည်။ အိုးဘိုတောရမှာနေထိုင်ခဲ့ရသည့်နှစ်များ၌ သင်္ကန်းဝတ်ခွင့်မရသော်လည်း ပစ္စဝက္ခဏာဆင်ခြင်မှုလုပ်ငန်းကား လုံးဝပျက်မသွားပါ။ ပုံမှန်လည်ပတ်မြဲသာ ဖြစ်ပါသည်။ သာမန်ပါဠိအနက် ရွတ်ဆို၍ ဆင်ခြင်းခြင်းမျိုးမဟုတ်ဘဲ အလေးအနက်ထား၍ ဆင်ခြင်ခြင်းမျိုးသာ ဖြစ်ပါသည်။ ပစ္စဝေက္ခဏာဆင်ခြင်ပြီးသည့်အခါ မိမိခန္ဓာကိုယ်ကို ခြေဆုံးခေါင်းဆုံးအာရုံယူကာ တရားရှုမှတ်ပါသည်။ မိနစ်ပိုင်းမျှသာ မှတ်လိုက်ရပြီး အိပ်ပျော်သွားသည်က များပါသည်။ပင်ပန်းသည့်အခါ အိပ်ရေးပျက်သည့်အခါမျိုး၌ ပစ္စဝေက္ခဏာဆုံးသည်မထင်ပါ။ ခေါင်းချလိုက်သည်နှင့်အိပ်ပျော်သွားတတ်သောကြောင့် ဖြစ်ပါသည်။
နေ့ဘက်အိပ်စက်ရာကာလသည် ပုံမှန်အားဖြင့် တစ်နာရီသာ ကြာတတ်ပါသည်။အရေးကြီးသည့်အခါ အရေးပေါ်သည့်အခါမျိုး၌ မိနစ်ပိုင်းမျှသာ နားရလေ့ရှိပြီး အရေးမကြီး အရေးမပေါ်လျှင် တစ်နာရီကျော် ကြာတတ်သည်လည်း ရှိပါသည်။ ပစ္စဝက္ခဏာဆင်ခြင်ခြင်း၊ တရားရှုမှတ်ခြင်းတို့ကြောင့် အိပ်ရာထသည့်အခါ လန်းဆန်းတက်ကြွနေတတ်ပါသည်။
အနားယူကျင့်စဉ် ပြီးပါပြီ။
ဝီရသူ(မစိုးရိမ်)
23.4.2020
