ကမ္ဘာကျော်ဆရာတော်၏ ကမ္ဘာမကျော်သော အတွေးအခေါ်များ (၂)
ကမ္ဘာကျော်ဆရာတော်၏ ကမ္ဘာမကျော်သော အတွေးအခေါ်များ (၂)
“အရုဏ်ဆွမ်းကျင့်စဉ် မေတ္တာအစိန္တေယျ”
(17.1.2022 ရက်နေ့ထုတ်၊ အတွဲ(၁) အမှတ်(၂၁) ဂါးဒီးယန်းသတင်းစာမှ ကူးယူဖော်ပြသည်။)
————————————————-
စာရေးသူ မနက်အစော အရုဏ်ဆွမ်းအဖြစ် နေ့စဉ် ယာဂု(ဆန်ပြုတ်) သောက်ပါသည်။ ကျန်းမာရေးအတွက် ဖြစ်ပါသည်။ အရံအာဟာရအဖြစ် ကျောင်းသားများဆက်ကပ်သည်များလည်း ဘုဉ်းပေးသုံးဆောင်ပါသည်။ ပလာတာ၊ ထပ်တစ်ရာ၊ ပဲနံပြား၊ ရှမ်းခေါက်ဆွဲ၊ ဆီချက်ခေါက်ဆွဲ၊ မြီးရှည် စသည်ဖြင့် ကျောင်းသားများ ဝယ်ယူဆက်ကပ်တတ်ကြပါသည်။ ဒါယကာ ဒါယိကာမများ လှူဒါန်းထားသည့် အခွံမာသီးအပါအဝင် ငါးခြောက်ကြော်၊ ငါးကြော် စသည်များလည်း ပါဝင်ပါသည်။ ယာဂုနှင့် အခွံမာသီးများကို ပုံမှန်ဘုဉ်းပေးရလေ့ရှိပြီး အခြားအာဟာရများကိုမူ တစ်နေ့လျှင် တစ်မျိုးနှစ်မျိုးစီသာ ဘုဉ်းပေးပါသည်။
ဆန်ပြုတ်အလှူရှင်တစ်ဦးသာ ပုံမှန်ရှိတတ်ပြီး အခွံမာသီးနှင့် အကြော်အလှော်များကား ရပ်ဝေးမှပေးပို့လှူဒါန်းကြခြင်း ဖြစ်ပါသည်။ အခြားအာဟာရများကိုမူ ဝယ်ယူဆက်ကပ်ကြခြင်း ဖြစ်ပါသည်။ သဘာဝငှက်ပျောသီးနှင့် သင်္ဘောသီးများ ရရှိလာလျှင်လည်း မနက်ခင်းမှာပင် ဘုဉ်းပေးလေ့ရှိပါသည်။
မနက်အရုဏ်ဆွမ်းဘုဉ်းပေးချိန်၌ ဧည့်သည် အာဂန္တုများ ကြွရောက်လာသည့်အခါ စာရေးသူ၏ ဆွမ်းပွဲကိုကြည့်၍ အံ့သြနေကြသည်ကို တွေ့ရတတ်ပါသည်။ ကမ္ဘာကျော်ဆရာတော်ဖြစ်၍ ဆွမ်းကွမ်းအာဟာရ လာဘ်လာဘပေါများလိမ့်မည်ဟု ထင်ထားပုံရပါသည်။
မနက်စာကို ကွန်ပျူတာခန်းထဲမှာသာ တစ်ပါးတည်းဘုဉ်းပေးပါသည်။ ဆွမ်းပွဲအကပ်ခံပြီးလျှင် စာရေးသူတစ်ပါးတည်းသာ အခန်းထဲမှာ ကျန်ခဲ့ပါသည်။ ဘုဉ်းပေးပြီးသည့်အခါ အမျိုးအမည်တစ်ခုချင်းစီကို အာရုံပြုကာ ဆွမ်းမေတ္တာပို့သလေ့ရှိပါသည်။ ဆွမ်းဒါယကာ ဒါယိကာမများကိုသာ မေတ္တာပို့ခြင်း မဟုတ်ပါ။ ဆွမ်းပစ္စည်းနှင့်စပ်ဆက်သမျှ ကုသိုလ်ရှင်အားလုံးကို သိမ်းကြုံး၍ မေတ္တာပို့ခြင်း ဖြစ်ပါသည်။ ငါးမျိုးစားရလျှင် ငါးမျိုးစာ မေတ္တာပို့ပါသည်။ ဥပမာ- ဆန်ပြုတ်ပန်းကန်ကို အာရုံစိုက်ကြည့်ကာ ‘ဆန်ပြုနှင့် စပ်ဆက်သမျှ ကုသိုလ်ရှင် ခုနစ်ရက်သားသမီးအားလုံး ချမ်းသာကိုယ်စိတ်မြဲပါစေ၊ ဥပဒ်ရန်ဘေး ကင်းစင်ဝေး၊ ငြိမ်းအေးကြပါစေ၊ကောင်းကျိုးလိုအင်ဆန္ဒမှန်သမျှ ပြည့်ဝကြပါစေ’ဟူ၍ ဖြစ်ပါသည်။ ဆန်ပြုတ်အလှူရှင်မိသားစု၊ ဆန်ပြုတ်ကြိုပေးသူ၊ ဆန်ပြုတ်သွားယူသူ၊ ဆန်ပြုတ်ပြင်ဆင်ဆက်ကပ်သူ အားလုံးကို ရည်ရွယ်ခြင်း ဖြစ်ပါသည်။
သီဟ်ုဠ်သီးနှင့် စပ်ဆက်သမျှ ကုသိုလ်ရှင် ခုနစ်ရက်သားသမီးအားလုံး ချမ်းသာကိုယ်စိတ်မြဲပါစေ၊ ဥပဒ်ရန်ဘေး ကင်းစင်ဝေး ငြိမ်းအေးကြပါစေ၊ကောင်းကျိုးလိုအင်ဆန္ဒမှန်သမျှ ပြည့်ဝကြပါစေ’စသည်တုိ့ ဖြစ်ပါသည်။
ဆွမ်းစားနေစဉ် ဧည့်သည်အာဂန္တုရောက်လာသည့်အခါ၊ အရေးကြီးဖုန်းဝင်လာသည့်အခါ၊ အရေးပေါ်ကိစ္စကြုံလာသည့်အခါမျိုး၌ မေတ္တာပို့ရန် ပျက်ကွက်သွားလျှင်လည်း စင်္ကြံလျှောက်သည့်အခါ အာဟာရတစ်မျိုးချင်းစီကို အာရုံယူ၍ မေတ္တာပို့သတတ်ပါသည်။
အရုဏ်ဆွမ်းကိစ္စပြီးလျှင် အစိန္တေယျကြီး ဘုရားရှိခိုးစာများ ရွတ်ဆိုပူဇော်ပါသည်။ ဆယ်မိနစ်ကျော်ကျော် ကြာပါသည်။ သံဃာများ ဆွမ်းခံကြွချိန်ဖြစ်လျှင် သဟာယကျောင်းရှေ့မှာပင် စင်္ကြံလျှောက်လျက် ရွတ်ဆိုပါသည်။ ဆွမ်းခံပြန်ချိန်ဆိုလျှင် အင်းဘေးပန်းခြံလေးထဲ စင်္ကြံလျှောက်လျက် ရွတ်ဆိုပူဖော်ပါသည်။ မနက်အစောကြီးမှာ ရွတ်ဖြစ်လျှင် စာအံကျောင်းစောင့်ကာ သဟာယကျောင်းမှာပင် အောက်ဆင်းလိုက် အပေါ်ပြန်တက်၍ စာအံသံဃာများကို အကဲခတ်လိုက် ပြုလုပ်လျက် ရွတ်ဖတ်ပူဇော်ပါသည်။
အစိန္တေယျကြီး ဘုရားရှိခိုး ရွတ်ဆိုပူဇော်ပြီးလျှင် မေတ္တာပို့သပါသည်။ မေတ္တာအတိုလည်း မဟုတ်ပါ။ မေတ္တာအကျဉ်းလည်း မဟုတ်ပါ။ မေတ္တာအရှည်၊ မေတ္တာအကျယ် ပို့သခြင်း ဖြစ်ပါသည်။
အရုဏ်ဆွမ်းကျင့်စဉ် မေတ္တာအစိန္တေယျ ပြီးပါပြီ။
ဝီရသူ(သုံးထောင်ပြန်)
