ထိုင်ဝမ်ဆရာတော်များ အလှူတော်
သီတင်းကျွတ်လပြည့်ကျော် (၂)ရက်၊ (7.10.2017)ရက်နေ့၊ မနက် (၉း၀၀)နာရီ၊ မန္တလေးမြို့၊ မဟာအောင်မြေမြို့နယ်၊ မစိုးရိမ်တိုက်သစ်၊ ဓမ္မဟိဒ္ဓိကျောင်းတော်ကြီး အပေါ်ဆုံးထပ်မှာ ကျင်းပပါတယ်။ ထိုင်ဝမ် ထောင်ယွမ်းလုံထန်ကွမ်ကျောက် ဘုရားကျောင်းဆရာတော်ကြီးနှင့် တပည့် ဒကာ ဒကာမများ စုပေါင်းကုသိုလ်ဖြစ်ပါတယ်။
မစိုးရိမ်တိုက်သစ် မဟာနာယကဆရာတော် ဘဒ္ဒန္တကေသရာဘိဝံသ အမှူးပြုသော မစိုးရိမ်တိုက်ကြီး၊ မစိုးရိမ်တိုက်သစ်များမှ နာယကဆရာတော်များ၊ စာချ စာသင်သံဃာတော်များ ကြွရောက်ကြပါတယ်။ ထိုင်ဝမ်ဆရာတော်ကြီးနှင့် မဟာနာယကဆရာတော်တို့က နှုတ်ဆက်စကား မိတ်ဆက်စကား ပြောကြားပြီး ငါးပါးသီလတရား ချီးမြှင့်ကာ ရေစက်ချအမျှဝေပြီးသကာလ နေ့ဆွမ်းကပ် လှူဖွယ်ဝတ္ထုလောင်းလှူကြပါတယ်။ ပင့်သံဃာအားလုံး လှူရံ ခြင်းတစ်ခြင်းနှင့် နဝကမ္မများ အသီးသီး လှူဒါန်းကြပါတယ်။
