ဂုဏ်ပိလို့သေရင် တာဝန်ယူ တာဝန်ခံရမှာနော်
လူပုဂ္ဂိုလ်တစ်ဦးတစ်ယောက်ကို ကြည်ညိုမှုလွန်ကဲပြီး ရဟန်းသံဃာတော်တွေအပေါ် သုံးနှုံးတဲ့ ဂုဏ်ပုဒ်တွေကို လူပုဂ္ဂိုလ်တစ်ဦးတစ်ယောက်အပေါ်မှာ တပ်ပေးလိုက်တော့ အတပ်ခံရတဲ့သူမှာ ဂုဏ်ပိသွားတတ်ပါတယ်။
သီလဂုဏ်၊ သမာဓိဂုဏ်၊ ပညာဂုဏ်ဆိုတာတွေဟာ ရဟန်းသံဃာတွေပေါ်မှာသာ သုံးနှုံးတဲ့ သာသနဝေါဟာရတွေပါ။
နိုင်ငံတော်ရဲ့ ရတနာတစ်ပါးဖြစ်တယ်ဆိုတာမျိုးက ဖြစ်သင့်ပေမဲ့ သီလဂုဏ် သမာဓိဂုဏ် ပညာဂုဏ်က အင်မတန်မြင့်မားပါတယ် သာမန်ပုထုဇဉ် ခင်ဗျားတို့ကျနော်တို့ထက် အများကြီးမြင့်ပါတယ်ဆိုတဲ့ စကားကတော့ အလွန်အကျွံဖြစ်သွားပါပြီ။
ဒါကြောင့် ပုဂ္ဂိုလ်ရေးကိုးကွယ်လွန်းသူကြီးကို အကြံပြုလိုတာက သာသနာရေးဝန်ကြီးပီပီ သီလဂုဏ် သမာဓိဂုဏ် ပညာဂုဏ်ဆိုတဲ့ဝေါဟာရတွေရဲ့ အနက်အဓိပ္ပါယ်ကို ပြန်လည်လေ့လာဖို့နှင့် သာမန်ပုထုဇဉ်ထက် မြင့်မားတယ်ဆိုတဲ့ စကားလုံးက ဘယ်အထိရောက်သွားသလဲဆိုတာရယ် အဲဒီဂုဏ်ပုဒ်နှင့် ထိုက်တန်၏ မတန်၏ဆိုတာရယ် ပြန်လည် လေ့လာဖို့လိုပါဦးမယ်။
မတန်တဆ ဂုဏ်ပုဒ်တွေတင်ပေးရင်တော့ ဂုဏ်ပိလို့ သေတတ်တယ်။ အဲဒီလို ဂုဏ်ပိပြီး တစ်စုံတစ်ခုဖြစ်ခဲ့ရင် ဂုဏ်တင်ပေးသူမှာ တာဝန်ရှိတယ်။ တာဝန်ယူပြီး ဖြေရှင်းပါ။ တာဝန်ခံပြီး တောင်းပန်ပါ။
ဝီရသူ(မစိုးရိမ်)
24.10.2017
PM 10:41
