ဝီရသူ

ကျေးဇူးတော်ရှင် မစိုးရိမ်တိုက်သစ်ဆရာတော်ကြီး ဘဒ္ဒန္တသိရိန္ဒာဘိဝံသ ဘဝနတ်ထံ ပျံလွန်တော်မူသည်မှာ လာမည့် တန်ခူးလကွယ်နေ့ဆိုရင် (၁၅)နှစ်ပြည့်တော့မည်ဖြစ်သည်။ ဆရာတော်ကြီး မရှိတော့သော်လည်း ဆရာတော်ကြီး အုတ်မြစ်ချခဲ့သော မစိုးရိမ်တိုက်သစ်ကြီးကား ဆရာတော်ကြီးလက်ထက်မှာကဲ့သို့ပင် အရှိန်အဟုန်ဖြင့် တိုးတက်ထွန်းကားလျက် ရှိပါ၏။
ဆရာတော်ကြီး အပင်ပန်းခံ စိုက်ပျိုးခဲ့သော သာသနာ့ဥယျာဉ်တော်ကြီး စည်ပင်ပြန့်ပြူး စိမ်းလန်းသာယာလျက်ရှိသည်ကို အများပြည်သူတို့ မျက်မြင်ကိုယ်တွေ့ ခံစားကြရသော်လည်း ဆရာတော်ကြီး၏ သာသနာပြုစိတ်ဓာတ်နှင့် ဘဝပုံရိပ်ကိုကား လူသိနည်းလှပေသည်။

လွန်တော်မူခြင်း (၁၅)နှစ်ပြည့် နှစ်ပတ်လည်ပူဇော်ပွဲ၌ကား လူသိနည်းသော ဆရာတော်ကြီး၏ သာသနာရေးဆောင်ရွက်ချက်များ၊ သာသနာပြုစိတ်ထားများ၊ ကြည်ညိုဖွယ်ဂုဏ်ပုဒ်များ၊ ကြီးမားဖွယ်ရာ ဂုဏ်ကျေးဇူးများကို ဘဝပုံရိပ်တစ်ခုအဖြစ် အထူးထုတ်မဂ္ဂဇင်း ဖြန့်ချီမည် ဖြစ်ပါသည်။ စာမူများလည်း တောင်းခံထားပါသည်။ ရောက်ရှိလာသော စာမူများမှ ကောင်းနိုးရာရာများကို Hight Light (ကောက်စာ)အဖြစ် အခန်းဆက် တင်ပြပေးသွားပါမည်။

စာမူများပေးပို့လိုပါက
ဘဒ္ဒန္တနန္ဒာဘိဝံသ
ဓမ္မပါကဋကျောင်း
မစိုးရိမ်တိုက်သစ်
မဟာအောင်မြေမြို့နယ်
မန္တလေး
092035013 သို့ ပေးပို့နိုင်ပါသည်။
————————————————————-

ဆရာတော်ကြီးသည် ပကတိရိုးရှင်းသိမ်မွေ့စွာနေတော်မူ၍ ကျောင်းသားအရွယ်မှစ၍ ကိုယ်တော်တိုင် တပည့်ဝတ် ဆရာဝတ်တို့ကို စံပြနမူနာဖြစ်အောင် လိုက်နာကျင့်သုံးခဲ့သောကြောင့် နောင်လာနောက်သား တပည့်များအတွက် လေးစားအားကျ အတုယူဖွယ် ဆရာတစ်ဆူဖြစ်ပါပေ၏။ အထူးသဖြင့် ကျေးဇူးရှင်ဆရာ တော်ဘုရားကြီးသည် လွန်တော်မူခါနီးထိ ဆွမ်းခံဝတ်ကို ကျင့်သုံးမြဲမြံတော် မူခဲ့ပါသည်။ နိုင်ငံတော်သံဃမဟာနာယကက ဒုတိယဥက္ကဋ္ဌ၊ အဂ္ဂမဟာပဏ္ဍိတ၊ အဘိဓဇမဟာရဋ္ဌဂုရုစသည့် ဘွဲ့တော်များ ရရှိတော်မူထားသော ဤကဲ့သို့သော ဆရာတော်ဘုရားကြီးသည် သက်တော်(၈)နားအထိ မြတ်ဗုဒ္ဓအလိုကျ ဆွမ်းခံဝတ်မပျက်ခဲ့သည်မှာ တစ်နိုင်ငံလုံးမှာ ဆရာတော်ကြီးတစ်ပါးသာ ရှိလိမ့်မည် ထင်ပါသည်။ အလွန်ပင်လေးစားကြည်ညိုမိပါသည်။ ဆရာတော်ကြီးသည် ဝိနည်းအင်မတန် လေးစားတော်မူ၏။ ဝတ္ထုငွေ ကိုပင် ကိုင်တော်မမူ မီတာခဆောင်ရန် လာပေးသော ဝတ္ထုငွေကိုပင် ခင်းထားသော ဖျာအောက်မှာပင် ထားစေတော်မူပါသည်။ တပည့်သာဝကတို့အပေါ်မှာလည်း စေတနာ မေတ္တာကြီးလှပေစွ။ မိမိ၏တပည့်တွေ ကို ယဉ်ယဉ်ကျေးကျေး အဆင့်အတန်းမြင့်မြင့် သာသနာ့ဝန်ထမ်းရှင်ရဟန်းတွေ ဖြစ်စေဖို့ သြဝါဒမိန့်ကြား တော်မူခဲ့ပုံကို စာဖတ်ခွင့်ရ၍ သိခဲ့ရပါ၏။

တစ်နေ့သောအခါ ဆရာတော်ကြီးက “ရဟန်းသာမဏေဆိုတာ သမဏသညာမဖျောက်ရဘူး၊ လူ့ဘဝကပါလာတဲ့ အပြောအဆို အသုံးအနှုံးတွေ အတုမခိုးရဘူး၊ တချို့ဦးဇင်းတွေ ကိုရင်တွေ ကျွန်တော် ကျွန်တော်နဲ့ ကျွန်စိတ်ပေါက်သွားမယ် ရှိသေးတယ် ဦးဇင်းတစ်ပါးရေးတဲ့စာအုပ် ရုတ်တရက်နာမည်ကြီး လာလို့ ကောက်ဖတ်ကြည့်တာ ကျွန်တော် ကျွန်တော်နဲ့ရေးထားတာ တစ်အုပ်လုံး ကျွန်စော်နံနေတယ် ကိုယ်တော်တို့လည်း ကျွန်စော်နံတာ မသုံးကြနဲ့ ရဟန်းသာမဏေဆိုတာ အပြောအဆိုက အစ ယဉ်ယဉ်ကျေးကျေး အဆင့်တန်းမြင့်မြင့် ပြောရတယ်”ဟူ၍ မိန့်ကြားတော်မူ၏။ အလွန်အင်မတန်မှ မှတ်သားလိုက်နာဖွယ် ကောင်းပေစွ။ ဆရာတော်ကြီးသည် သာသနာနှင့် ပတ်သက်လာလျှင် ဗုဒ္ဓအဆုံးအမ သာသနာဝေါဟာရအတိုင်းသာ ရှိစေချင်သည်မှာ အထင်းသားပေါ်လွင်နေပေ၏။ သာသနာညှိုးမှိန်ရမည့် အရေးဆိုလျှင် တပည့်တွေကို မဆိုထားနှင့်၊ နိုင်ငံတော် သံဃမဟာနာယကဆရာတော်တို့ကိုပင် ပြောင်ပြောင်တင်းတင်း မငဲ့မညှာ လျှောက်ထားတင်ပြတော်မူခဲ့သော ဆရာတော်ကြီးတစ်ပါးဖြစ်၏။

ဤသို့ သာသနာအရေးဆို သွေးအေး၍နေတော်မမူ စွမ်းစွမ်းတမံဆောင်ရွက်တော်မူခဲ့ပါသည်။ ရှားမှရှားသည့် ပြည်တန်ပတ္တမြားဟုဆိုလောက်သော ဆရာတော်ကြီး၏ သီလဂုဏ် သမာဓိဂုဏ် ပညာဂုဏ်တို့ကား ညွှန်းစာဖွဲ့၍ ကုန်နိုင်မည်မဟုတ်ပါ။

ဇွဲပြည့်နိုင်